Nog adres

Фильмы презентаци

2012 азы 5-æм декабры Мæскуыйы Нациты хæдзары уагъд æрцыд документалон фильм «Фыццаг минæварад»-ы премьерæ, кæцы систа зындгонд режиссер-документалист Цæлыккаты Вадим Уæрæсейы Федерацийы Республикæ Хуссар Ирыстоны минæварады æххуысæй.
Фильмы презентацимæ æрбацыдысты бæрзонд уазджытæ, кæцыты 'хсæн уыдысты Мæскуыйы аккредитацигонд дипломатон корпусы минæвæрттæ, УФ-йы Фæсарæйнаг хъуыддæгты министрады бæрнон адæймæгтæ, мæскуыйаг ирон общинæйы къухдариуæгад æмæ минæвæрттæ, УФ-йы Президенты цур РЦИ-Аланийы æдзухон минæварады минæвæрттæ, мæскуыйаг уæлдæр ахуыргæнæндæтты студенттæ.
Фильм равдисыны размæ йæ бацæуæн ныхасы УФ-йы Хуссар Ирыстоны Æххæстбарджын минæвар Медойты Димитр банысан кодта уыцы куысты ахсджиаг историон нысаниуæг, кæцыйы сарæзтой Ирыстоны æппæт ирон æхсæнадты минæвæрттæ, кæцытæ 1749 азы æрцыдысты Санкт-Петер-бургмæ императрицæ Елизаветæйы фæхуындмæ гæсгæ. «1752 азы минæвæрттæ æнтыстджынæй фесты сæ куыст. Ирон дипломаттæ, сæ сæргъ Магкаты Зурабимæ уæрæсейаг-ирон цæдисы бирæнымæцон ныхмæлæуджыты интригæтæ æмæ хъæддых ныхмæлæуды сæрты ахизгæйæ, сæ къухты бафтыд Ирыстон æмæ Уæрæсейы 'хсæн æнгом æмæ иууыл хæларадон дипломатон ахастытæ сфидар кæнын, сæ бон ссис сбæлвырд кæнын фæрсты хæларадон цæдисы æнæмæнгхъæуындзинад дæр æмæ æмзæрдæдзинады æмæ вазыгджын дунеон уавæрты æмархайдтыты цымыдисондзинад дæр, иугонд Ирыстонæн тыхджын цæгаттаг сыхагимæ, æмгуысткæнынады рæзтмæ фæндаг бакæнгæйæ.

Цасдæр рæстæджы фæстæ, 1774 азы, уæрæсейаг-туркаг хæсты фæстæ, иугонд Ирыстон бацыд Уæрæсейы империйы скондмæ. Афтæмæй, ирон дипломатийы политикон уæлахиз абоны бон нымайын хъæуы нæ адæмы фидæны тыххæй сгуыхтдзинадыл», - банысан кодта Медойты Димитр.
Уæлдай бузныджы ныхæстæ минæвар загъта Уæрæсейы Федерацийы Фæсарæйнаг хъуыддæгты министр С. Лавровæн, фильмы хайад кæй райста, уый тыххæй, УФ-йы Фæсарæйнаг хъуыддæгты министрады историон-документалон департаментæн æмæ Уæрæсейы империйы Æддагон политикæйы Архивæн, уæды рæстæджы историон æрмæджытæ райсынæн сын фадат кæй радтой, уый тыххæй, афтæ ма УФ-йы Фæсарæйнаг хъуыддæгты министрады ХПÆ-ы бæстæты Цыппæрæм департаментæн дæр.
Фильмы презентацийы раныхасгæнæг, УФ-йы Фæсарæйнаг хъуыддæгты министрады ХПÆ-ы бæстæты цыппæрæм департаменты директор А. Павловский банысан кодта, зæгъгæ, чырыстон Ирыстонимæ хæларадон бастдзинæдтæ сфидар кæнын тынг ахсджиаг уыд XVIII-æм æнусы æмæ уый фæстæ рæстæджы дæр Кавказы Уæрæсейы позицитæ сфидар кæнынæн, æмæ банысан кодта Уæрæсеимæ цæдисы Ирыстоны иузæрдиондзинад сæ ахастыты æппæт рæстæджыты дæргъы дæр.
Минæварады пресс-службæ