Nog adres

Гарзджын тыхтæ/ Ард бахæрдзысты ног æрсидтонтæ

novobranci_0.JPG
Фæззыгон æрсидты 40 ног æрсидтоны æфсæддон ард бахæрдзысты Райгуырæн бæстæйыл æнувыддзинады тыххæй. Цытджын церемонийы уыдзæн 9 декабры нæ горæты Хъайтарты аллеяйы. Уый тыххæй ИА «Рес»-æн фехъусын кодта Хуссар Ирыстоны Хъахъхъæнынады министрады пресс-службæйы къухдариуæггæнæг Гуыцмæзты Галинæ.
Йæ ныхæстæм гæсгæ æфсæддон ардбахæрды текст æрсидтонтæ дзурдзысты ирон æвзагыл.
«Ирон æвзагыл ма æххæст цæудзысты æппæт командæтæ дæр церемонийы рæстæджы. Ацы ногдзинадæй Хъахъхъæнынады министрад фыццаг хатт спайда кодта 2012 азы уалдзыгон æрсидты рæстæджы», - загъта Гуыцмæзты чызг.
Уый ма загъта, зæгъгæ, ардбахæрд райсыны фæстæ ног æрсидтонтæ суыдзысты Хъахъхъæнынады министрады æххæстбарджын кусджытæ.
«Уыцы бонæй ног æрсидтонтæ хæсджын уыдзысты, цæмæй дырысæй æххæст кæной ведомствойы æппæт уагæвæрдтæ æмæ фæткойтæ», - загъта пресс-службæйы къухдариуæггæнæг æмæ ма йæ ныхасмæ бафтыдта, зæгъгæ, ардбахæрды фæстæ æрсидтонтæ дих æрцæудзысты Республикæйы Хъахъхъæнынады министрады хæйттæ æмæ дæлхæйттыл.