Nog adres

Хайад райстой æппæтуæрæсейон медицинон форумы

forum_5.jpg
Хуссар Ирыстоны делегаци хайад райста æнæниздзинад хъахъхъæныны системæйы уагдæтты къухдариуæггæнджыты æртыккаг Æппæтуæрæсейон форумы. Уый тыххæй нын фехъусын кодтой РХИ-йы Æнæниздзинад хъахъхъæныны æмæ социалон райрæзты министрады пресс-службæйы.
«Хуссарирыстойнаг делегацийы уæнгтæ Æнæниздзинад хъахъхъæныны министрады сæргълæууæг Григори Кулиджанов, социалон фарстаты фæдыл Президенты паддзахадон уынаффæгæнæг Сиукъаты Родион æмæ Æнæниздзинад хъахъхъæныны министры æххуысгæнæг Зассеты Æхсар хайад райстой мадзæлтты фæлгæтты уагъдцæуæг тымбыл фынгты ахæм темæтыл: «Централон районон рынчындоны управленийы фарстатæ», «Сывæллæтты медицинæйы уагдæтты рæзты сæйраг фарстатæ» æмæ «Рынчындоны управленийы фарстатæ: практикæ æмæ уынаффæтæ», - радзырдта пресс-службæйы кусæг. Йæ ныхæстæм гæсгæ, форумы рæстæджы Хуссар Ирыстоны минæвæрттæ фембæлдысты Абхазы Æнæниздзинад хъахъхъæныны министрады делегацийы уæнгтимæ.
«Фæрстæ æруынаффæ кодтой Хуссар Ирыстоны æмæ Абхазы æнæниздзинад хъахъхъæныны системæйы рæзты фарстатыл, - банысан кодта агентады æмныхасгæнæг. - Махæн ис тынг бирæ иумиаг проблемæтæ, сæрмагондæй финанскæнынады, хосгæнæн уагдæтты нырыккон медицинон ифтонггæрзтæ æмæ кадртæй сифтонг кæныны фарстатæ æмæ афтæ дарддæр. Фембæлды хайадисджытæ загътой сæ хъуыдытæ ацы фарстатæ скъуыддзаг кæныны фæдыл сæ кæрæдзийцæн сæ фæлæтæрдзинад амоныны нысанæн дарддæры æмархайды æнæмæнгхъæуындзинады тыххæй. Уый тых-хæй, хуссарирыстойнаг делегацийы уæнгты фæхуыдтой Абхазмæ».

Уый æдтейæ ма, пресс-службæйы куыд банысан кодтой, уымæ гæсгæ форумы фæстæ хуссарирыстойнаг делегацийы уæнгтæ фембæлдысты ХПÆ-йы паддзахадтæ-хайадисджытæ, Хуссар Ирыстон æмæ Абхаз, афтæ ма УФ-йы Æнæниздзинад хъахъхъæнын æмæ социалон рæзты министрады департаменттимæ социалон-экономикон æмкуысткæнынады фæдыл УФ-йы Президенты управленийы минæвæрттимæ.
«Фембæлды рæстæджы æркастысты 2013-2015 азты Хуссар Ирыстоны социалон-экономикон æмархайды Инвестицион программæмæ хауæг нæ республикæйы территорийыл медицинон объектты арæзтады фарстатæм, - бамбарын кодта уый. Уый æдтейæ ма, уынаффæ цыд Хуссар Ирыстоны территорийыл æппынæдзух цæрæг Уæрæсейы æмбæстæгтæн æмæ Уæрæсейы Федерацийы цæрæг хуссарирыстойнаг æмбæстæгтæн специалон, уыцы нымæцы бæрзондтехнологон медицинон æххуыс бакæнын æмæ хостæй сифтонг кæныны фадыджы æмкуысткæнынады тыххæй хуссарирыстойнаг æмæ уæрæсейаг хицауады 'хсæн бадзырд бацæттæ кæныны фарстатыл».
Афтæ ма фембæлдтыты уынаффæ кодтой Хуссар Ирыстоны æнæниздзинад хъахъхъæныны системæйы финанскæныны, æмбæстæгты æнæниздзинад хъахъхъæныны фадыджы республикæйы закъондæттынад баххæст кæныны фарстатыл. Æркастысты ма минералон дæтты сæрмагонд миниуджыты басгæрсты фæстиуджытæм, кæцыты фæсауæрцтæ сбæрæг кодтой Хуссар Ирыстоны территорийыл.
Фембæлды фæстиуджытæм гæсгæ сæ къухты бафтыд бадзырд æввахс рæстæджы Хуссар Ирыстон æмæ Уæрæсейы æнæниздзинад хъахъхъæныны минæвæртты, афтæ ма ХПÆ-йы паддзахадтæ-хайадисджытæ, РХИ æмæ РА социалон-экономикон æмкуысткæнынады фæдыл Президенты управленийы хайадистæй иумиаг рабадт ауадзыны тыххæй.