Nog adres

Арæзт цæуынц ног скъолатæ

Ацы азы кæрон Цхинвалы районы эксплуатацимæ лæвæрд æрцæудзысты æртæ астæуккаг ахуырадон уагдоны. Уый тыххæй фехъусын кодта Цхинвалы районы администрацийы сæргълæууæджы хæдивæг Бибылты Валери.
Йæ ныхæстæм гæсгæ, объекты арæзтадон куыстытæ райдыдтой ацы азы сентябры мæйы. «Дампъалет, Рустау æмæ Бихъары хъæуты скъолаты арæзтадон куыстытæ фæуынхъус сты. Мах фундамент ныккалдтам, самадтам къултæ, сагъуыстам сæ, бакодтам мидæггагон куыстытæ, сарæзтам хъармгæнæн системæ æмæ зæххыбын коммуникаци-тæ», - загъта Бибылы фырт.

Уый банысан кодта, зæгъгæ, скъолатæй алкæцы дæр у 40-50 ахуырдзауæн.
Районы сæргълæууæджы хæдивæг ма куыд загъта, афтæмæй скъолатæ арæзт цæуынц районы цæрæнуатон-коммуналон хæдзарады тыхтæй.