Nog adres

РЕСПУБЛИКОН ПОЛИТИКОН ПАРТИ «ИУГОНД ИРЫСТОН»-Ы ПРОГРАММÆ

Мах, Хуссар Ирыстоны æмбæстæгтæ, æрбаиу стæм политикон партийы, цæмæй нæ Республикæ æмæ Уæрæсейы Федерацийы закъæттæм гæсгæ нæ къухты бафта Ирыстоны Хуссар æмæ Цæгат хæйттæ баиу кæнын бирæнацион уæрæсейаг паддзахады сконды.
Политикон парти «Иугонд Ирыстон»-ы программæ-минимум у царды ныббиноныг æмæ среализаци кæнын формулæтæ: «Дыууæ бæстæ - иу Ирыстон», Республикæ Хуссар Ирыстон æмæ Республикæ Цæгат Ирыстон-Аланийы максималон интеграци ирон адæмæн дыууæ национ паддзахадты - Республикæ Хуссар Ирыстон æмæ Уæрæсейы Федерацийы форматы.
Политикон парти «Иугонд Ирыстон»-ы программæ-максимум у Республикæ Хуссар Ирыстоны Республикæ Цæгат Ирыстон-Аланиимæ баиу кæнын Уæрæсейы Федерацийы сконды.

ИРОН АЙГÆРСТ: ИУДЗИНАД. ФÆТК. РАЙРÆЗТ
Хуссар Ирыстоны адæмæн уыд бæллиц - ИРЫСТОНЫ ИУДЗИНАД. Ацы бæллиц адæм равдыстой 1992 азы референдумы фæстиуджыты, уæд фарста «Разы дæ 1991 азы 1-æм сентябры Республикæ Хуссар Ирыстоны Уæлдæр Советы уынаффæимæ Уæрæсеимæ баиу кæныны тыххæй»-йæн хъæлæс ратджыты 99,7% сдзуапп кодтой «О».
Номхуындæй дæр ацы бæллиц ныббиноныг кæныны тыххæй Хуссар Ирыстоны адæм тох кодта йæ хæдбардзинадыл, кæцыйы уый рамбылдта йæ къухты хæцæнгарзимæ. Бæстæйы банымадтой Уæрæсейы Федераци æмæ къорд æндæр бæстæйы, ИНО-йы уæнгтæ.
ИРЫСТОНЫ ИУДЗИНАДЫ тыххæй тох дарддæр кæны. Абон уый мах аразæм нымад паддзахады рангы. Абон мах стæм нæ нысанмæ æввахсдæр.
Абон махæн бар нæй, цæмæй нæ рæстæг æмæ энерги сафæм политикон интригæтæ æмæ ныхмæлæудтытыл. Хъæуы æрхъуыды кæнын уыцы иудзинад, кæцыимæ мах ныхкъуырд лæвæрдтам знагæн 2008 азы. Мах хъуамæ ногæй не 'хсæнад сконсолидаци кæнæм нæ фидæны рæзты тыххæй. Æрмæстдæр иумиаг тыхтæй суыдзæн нæ бон нæ бæстæйы йæ къахыл слæууын кæнын.
Хæсты фæстæ республикæйы æндидзынад ныссагъди бюрократи æмæ коррупцийы. Мах æгæр бирæ рæстæг æнхъæлмæ кастыстæм нæ зæххыл сабырдзинадмæ, цæмæй быхсæм ахæм уавæр. Мах хъуамæ равдисæм нæхицæн дæр æмæ æппæт дунейæн дæр, мах кæй стæм хæдхъом, мах цæттæ кæй стæм нæ республикæ сæндидзын кæнын æмæ саразынмæ.
УÆРÆСЕИМÆ ИУДЗИНАД
Уæрæсейы Федерацийы руаджы мах рамбылдтам Хæдбардзинад æмæ ныртæккæ æндидзын кæнæм нæ бæстæйы. Уый у, саргъгæнæн кæмæн нæй, ахæм æфсымæрон æххуыс. Нæ размæцыды мах ныфс æвæрæм Уæрæсеимæ нæ дарддæры æмкуысткæнынадæй, йæ тых æмæ æххуысæй. Нæ нысан - Республикæ Хуссар Ирыстоны Республикæ Цæгат Ирыстон-Аланиимæ баиу кæнын Уæрæсейы Федерацийы сконды.
Уæрæсеимæ мах бæттынц рагон æмæ æнгом ахастытæ. Мах иууылдæр стæм йе 'мбæстæгтæ. Нæ Фыдыбæстæйæн йæ иууыл уæззаудæр бонты уæрæ-сейæгтæ сæхи равдыстой куыд æцæг хæлæрттæ, афтæ. Æрцыд рæстæг, цæмæй равдисæм, ирæттæн сæ бон кæй у хæлардзинадæн аргъ кæнын, уый.
Æрмæстдæр Уæрæсеимæ суыдзæн йæ бон нæ бæстæйæн размæ цæуын. Æрмæстдæр Уæрæсейы сконды райсдзысты гаранти нæ адæм сæ этнос бахъахъхъæнын æмæ дарддæры рæзтæн.
ИУГОНД ИРЫСТОН
Мах стæм иу адæм. Арæн æппæт йæ формалон процедурæтимæ, кæцы дих кæны дыууæ Ирыстоны, махæн у æнæбыхсгæ. Мах иууылдæр æмбарæм, кæй хъуамæ цæуæм Цæгат Ирыстонимæ баиу кæнынмæ. Ацы процесс гæнæн ис æмæ уа дæргъвæтин. Иу бонмæ нæ баиу уыдзыстæм. Баиу кæнын мах хъуамæ фестын кæнæм проект æмæ йæ хъæуы цадæггай, фæлæ æнæфæцудгæйæ æххæст кæнын. Хъæуы унификаци кæнын закъондæттынад, æмбæстæгты царды æмвæзад æмæ социалон хъахъхъæнындзинад æмхуызон кæнын, инфраструктурæ уæлæмæ кæнын. Æрмæст иу популизмæй нæ баиу уыдзыстæм - уый хъуамæ уа серьезон план æмæ серьезон куыст, кæцытæ бакуыстгонд æмæ реализаци хъуамæ æрцæуой дыууæ паддзахадты æмвæзадыл.
НАЦИЙЫ ИУДЗИНАД
Адæймагады историйы иу стыр хъуыддаг дæр не 'рцыд æнæ æппæт адæмы хайадистæй. Нæ нысан среализаци кæнын нæ домы бæстæйы æппæт æмбæстæгты, æппæт партиты, æхсæнадон организациты æмæ фæллойадон коллективты тыхархайдтытæ смобилизаци кæнын. Нæ Райгуырæн бæстæ сæндидзын кæныны фарстайы ма хъуамæ уа уæлдай адæймæгтæ æмæ оппозиционертæ. Æрмæстдæр æппæт дунейæ, иумæ махæн нæ бон суыдзæн нæ разы сæвæргæ хæслæвæрдтæ сæххæст кæнын.
ФÆТК - КОРРУПЦИЙЫ НЫХМÆ КАРЗДÆР ТОХ
Бæстæ бафæллад, уæрæсейаг æххуыс кæй давынц, уымæй. Махмæ ма хъуамæ уа æнæфæцагайгæтæ. Алы бæрзонд бынаты кусæг чиновник дæр хъуамæ æрвылаз дæр мыхуыр кæна йæхи æмæ йæ бинонты уæнгты æфтиæгты тыххæй деклараци. Къухдариуæггæнджытæ, кæцытæ фиппайд æрцæуой паддзахадон фæрæзты æнæнысанмæздæхтæй хардз кæныны, хъуамæ конд цæуой бæрндзинадмæ. Ацы процесстæ хъуамæ суой максималон æгъдауæй æргом - коррупцийы алы факты тыххæй дæр хъуамæ базона æнæхъæн бæстæ. Республикæйы къухдариугадмæ хъуамæ уагъд цæуой æрмæстдæр ахæм адæм, кæцытæн бæстæйы интерестæ сты сæхи сæрмагонд интерстæй ахсджиагдæр.
Æнæмæнгæйдæр бындуронæй фæивын хъæуы коррупцийы ныхмæ тохы принциптæ æмæ ахастытæ. Къæрныхтæ, коррупционертæ æмæ фæрæзты пап-лойгæнджытæ, кæцытæ рахицæнгонд æрцыдысты Ирыстон сæндидзын кæныны тыххæй, хъуамæ æфхæрд цæ-уой карзæй, закъонмæ гæсгæ. Мах хъуамæ тырнæм, цæмæй хуссарирыстойнаг коррупционертæ æфхæрд цæуой Уæрæсейы дæр Уæрæсейы Федерацийы закъæттæм гæсгæ.
ФÆТК - социалон рæстдзинад æрæвæрын
Æхсæнад, кæцыйы цæрæм мах, хъуамæ уа стабилон æмæ комфортон, иумиаг царды уагæвæрдтæ - æмбæрстгонд æмæ алкæмæн дæр æмхуызон. Нæ паддзахады ма хъуамæ уа æнæмсæрдзинад адæм æмæ æмбæстæгты хицæн къордты 'хсæн. Социалон æгъдауæй раст æхсæнад у паддзахад закъондзинад, хисæрмагонд исад бахъахъхъæнынæн гаранти куы дæтта, традицитæн куы кад кæна, тыхджын лæмæгъæн куы æххуыс кæна, уæд.
РАЙРÆЗТ
Фæсхæсты хæлæттагдзинад иуварсгонд цæуы æгæр сындæггай. Бæстæйы хъæуы социалон-экономикон рæзты бæрæг даргъæмгъуыдон план æппынкъаддæр 10 азæн. Алчидæр куы зона, цы аразын æй хъæуы, уæд æндидзынад æмæ рæзт ацæудзысты бынтон æндæргъуызон. Махæн рæстæг нæй лæмæгъ процесстæн, бæстæйы хъæуы стыр къахдзæфтæй размæ цæуын. Æрмæстдæр махæн суыдзæн нæ бон реалон æгъдауæй ног куысты бынæттæ саразын, æргътæ æрныллæг кæнын æмæ куыстмыздтыл схæцын.
АДÆМОН КОНТРОЛЬ
Хуссар Ирыстоны экономикæйы рæзты сæйраг приоритет хъуамæ уа адæмон контролмæ экономикæ раздахын. Уый тыххæй алы цæрæн пункты дæр адæм сæхæдæг хъуамæ бæрæг кæной сæ территорийыл арæзтад æмæ æндидзынады приоритетон проекттæ. Иу кæнæ иннæ хъæуы фыццаг рады, номхуындæй цы æндидзын кæнын хъæуы, уый чиновник куы скъуыддзаг кæна, уæд фæрæзтæ хардз никуы цæудзысты нысанмæздæхтæй. Чиновник алыхатт дæр равзæрст сараздзæн адæмы пайдайæн нæ, фæлæ йæхи цы проект цымыдис кæна, уый пайдайæн.
ДУНЕОН БАНЫМАД
Рæзты тыххæй тынг ахсджиаг нысаниуæг ис дунеон банымадæн æмæ дунеон æмæхсæнадмæ интеграцийæн. Паддзахады аппарты æмæ æхсæнадон институты сæйраг нысæнттæ хъуамæ суой:
Дунеон æмæхсæнады 'рдыгæй банымад.
ИНО æмæ æндæр дунеон организацитæм бацæуын.
РХИ-йы хæдбардзинады политикон-барадон бындурты сæрыл дунеон аренæйы радгай æмæ планон тох кæнын.
Дунеон аренæйы æрхæсгæ зиæнттæн компенсацийы тыххæй нæ æнæбайсгæ бартæ банымайын, кæцытæ хаст æрцыдысты республикæйы экономикон æмæ адæймагон потенциалæн 1989-2008 азты гуырдзиаг агрессийæ.
ЮНЭСКО-йы дунеон гуманитарон организацитæ Дунеон Сырх Дзуары комитет, æрдз бахъахъхъæныны дунеон фонд æмæ æндæрты 'рдыгæй банымад.
Дунеон спортивон организацитæ МОК, FIFA, FILA, FIDE æмæ æндæрты 'рдыгæй банымад.
АХУЫРАДЫ РÆЗТ
Æнæ ахуыргонд фæсивæдæй паддзахадæн фидæн нæй. Ахуырад хъуамæ уа æнæаргъ, рæувадат æмæ гъæдджын. Хъæуты хъуамæ æндидзыд æмæ арæзт æрцæуой нырыккон скъолатæ. Скъолайы ахуыргæнæджы профессийы престижыл хъæуы уæлæмæ схæцын; хъæууон ахуыргæнджытæн хъуамæ фыст цæуа мыздмæ бафтыдтытæ.
Паддзахад хъуамæ æнгомæй бавнала хъæуы скъолайон ахуырады проблемæмæ. Уый у комплексон проблемæ, кæцыимæ баст сты æндæр проблемæтæ - ахуырад, миграци æмæ агросæудæджерадон комплекс сæндидзын кæнын.
Куыддæр паддзахад райдайа хъæууон скъолатæ æндидзын кæнын, афтæ уайтагъд фæцæрдгъуыз уыдзысты нæ хъæутæ.
Æввахс рæстæджы мах нæ бæстæйы уынæм ахæмæй:
ИУГОНД ИРЫСТОН
Ирыстон, кæцыйы нал ис таможнæйон барьертæ æмæ ныхдуртæ. Ирыстон, цыран алы æмбæстагæн дæр йæ бон суыдзæн сæрибарæй цæуын, цæрын æмæ кусын Ирыстоны дыууæ хайы дæр, кæцыран горæттæ æмæ хъæутæ ногæй байдзаг уыдзысты адæмæй.
РÆСТАГ ИРЫСТОН
Ирыстон, цыран тæрхондон суыдзæн коррупцийы нæ, фæлæ намыс æмæ æууæнкдзинады символ. Ирыстон, цыран закъон алкæмæн дæр уыдзæн иу, Президентæй рæнхъон æмбæстагы онг.
ТЫХДЖЫН ИРЫСТОН
Ирыстон, цыран уыдзæн стыр нæ, фæлæ хæстхъом, нырыккон хæцæнгæрзтæй ифтонг æфсад. Ирыстон, кæцыйы нæ фæнды искæимæ хæцын, фæлæ цæттæ у агрессорæн аккаг ныхкъурд радтынмæ.
ХЪÆЗДЫГ ИРЫСТОН
Ирыстон, кæцыйы алкæмæн дæр йæ бон суыдзæн сæрибарæй йæ амалиуæгадон инициативæ среализаци кæнын, цыран бизнес хъахъхъæд уыдзæн цахæмфæнды æнæзакъонон бахъавдтытæй. Ирыстон, цыран мыздыл кусæг исдзæн аккаг куыстмызд.
ДЕМОКРАТОН ИРЫСТОН
Ирыстон, цыран уыдзæн размæцыд бынæттон хæдразамынд, кæцыйы реализаци цæудзысты нæ национ демократон традицитæ æмæ институттæ. Ирыстон, цыран национ хицæндзинæдтæ хынцгæйæ, арæзт цæу-дзысты æппæт æмвæзады закъондæттынадон хицауиуæгады органтæ.
ÆДАС ИРЫСТОН
Ирыстон, цыран царды бартæ æмæ æдасдзинад суы-дзысты æлдариуæггæнджытæ. Ирыстон, цыран мах ногæй нæ хæдзæртты дурæттæ уадздзыстæм гомæй, 30 азы размæ куыд уыд, афтæ. Ирыстон, цыран фыдракæнддзинад карзæй æфхæрд цæудзæн.
ÆНÆНИЗ ИРЫСТОН
Ирыстон, размæдзыд æнæниздзинад хъахъхъæныны системæимæ. Ирыстон, цыран гъæдджын ног бындурыл реализаци цæудзысты Хуссар Ирыстоны æмбæстæгты бартæ, æнæаргъ медицинон лæггæдтæй пайда кæнын. Ирыстон, цыран æндидзыд æмæ арæзт æрцæудзысты ног спортивон скъолатæ æмæ залтæ. Ирыстон, кæцы суыдзæн спортивон дунейы аккаг хай. Ирыстон, кæцыйы национ олимпион комитет бавдыст æрцæудзæн МОК-мæ, кæцыйы спортивон федерацитæ бавдыст æрцæудзысты дунеон спортивон федерацитæм.
БÆЛЛИЦЦАГ ИРЫСТОН
Ирыстон, кæцы суыдзæн бирæнацион паддзахад, æппæт ирæтты хæдзар, кæмфæнды ма райгуырой æмæ ма цæрой, уымæ æнæкæсгæйæ. Ирыстон, цыран æндидзыд æрцæудзысты культурон æмæ историон цыртдзæвæнтæ, арæзт æрцæудзысты æмæ кусдзысты этнопарктæ. Ирыстон, цыран горæтон æмæ хъæууон арæзтад уагъд цæудзæн ирон адæмы архитектурон традицитæ хынцгæйæ, цыран æрдзон æмæ горæтон ландшафты эстетикæ цы бæстыхæйттæ æмæ арæзтæдтæ халынц, уыдон аразынæн бар нæ уыдзæн.
АХУЫРГОНД ИРЫСТОН
Ирыстон, цыран гъæдджын ног æмвæзадыл реализаци цæудзысты æнæаргъæй ахуыр кæныны бартæ. Ирыстон, цыранмæ фæстæмæ здæхдзысты йæ чызджытæ æмæ лæппутæ, кæцытæ ахуырад райстой фæсарæнты.
Фидæны мах Ирыстоны уынæм иугондæй бирæнацион уæрæсейаг паддзахады сконды.
Иудзинад, фæтк æмæ райрæзт суыдзысты иугонд Ирыстоны бындур.
Хуыцау нын æххуысгæнæг уæд!