Nog adres

Кæронмæ фæхæццæ кæнынц донифтонгады куыстытæ

Ацы мæйы кæрон фæуд кæнынц, «Сырх дзуар»-ы Дунеон комитет Хуссар Ирыстоны хъæуты донæй сифтонг кæныны фæдыл цы проекттæ сплан кодта, уыдон. Æппæт ацы куыстытæ куыд æххæст цæуынц, уый фæдыл информацион агентад «Рес»-æн фехъусын кодта комитеты æхсæнадимæ бастдзинады хайады кусæг Тедеты Маринæ. Уый куыд загъта, афтæмæй хъæуты донифтонгады куыстытæ кæронмæ бахæццæ уыдзысты ацы мæйы фæуды.

«Донифтонгады фæдыл куыстытæ рæстæгмæ урæд æрцыдысты, уымæн æмæ арæзтадон æрмæджытæй цухдзинад æййæфтой кусджытæ. Æмæ уыцы фарст иуварсгонд æрцыд, «Сырх Дзуар»-ы Дунеон Комитет нæ территорийыл йæ куыст кæй адарддæр кодта, уый фæрцы.
Тедеты Маринæ ма куыд фехъусын кодта, афтæмæй ацы аз донæй ифтонггонд æрцæудзысты Сарабук, Мугут, Сатихъар æмæ Ортъеу, кæцытæ бирæ азты дæргъы цух æййæфтой донæй. «Донæй ифтонг кæныны проекттæ среализаци кæныны фарстатæ æнцой кæнынц ацы хъæуы цæрджытæ æмæ районы администрацийы сæргълæууæджы домæнмæ гæсгæ», - банысан кодта Тедеты Маринæ.