Nog adres

ЦÆЛЫККАТЫ РУСЛАН - МИНИСТРЫ ХÆДИВÆГ

calikov_1.jpg
Уæрæсейы Президент Владимир Путин Цæлыккаты Русланы сфидар кодта бæстæйы хъахъхъæнынады министры хæдивæгæй.
Сергей Шойгу Хъахъхъæнынады министрады сæргълæууæджы бынат цы бон æрцахста, уыцы бонæй фæстæмæ æфсæддон ведомствойы æрцыд ивддзинæдтæ. Коррупцион хъаугъайы аххосæй УФ-йы хъахъхъæнынады фыццаг граждайнаг министр Анатолий Сердюковы арвыстой отставкæйы.
Цæлыккаты Хадзысмелы фырт Руслан райгуырд 1956 азы 31 июлы Дзæуджыхæуы. 1978 азы каст фæци Цæгат Ирыстоны паддзахадон университеты экономикон факультет, 1983 азы та - Мæскуыйы Плехановы номыл адæмон хæдзарады институты аспирантурæ, æмæ йын радтой экономикон наукæты кандидаты ахуыргонд цин.
1990-1994 азты лæууыд Цæгат Ирыстоны Финансты министрады сæргъы. 1994 азы кусын райдыдта Уæрæсейы Æнæнхъæлæджы уавæрты министрады сæйраг финансон-экономикон управленийы хицауæй, фæстæдæр та æрлæууыд финансон-экономикон архайды департаменты сæргъы.

2000 азæй фæстæмæ куыста УФ-йы æнæнхъæлæджы уавæрты министры хæдивæгæй, 2007 азы июнæй 2012 азы майы онг амынд министры фыццаг хæдивæгæй, ацы азы майæ фæстæмæ - Мæскуыйы облæсты вице-губернаторæй, 6-8 ноябры та - Мæскуыйы облæсты губернаторы хæстæ æххæстгæнæгæй. Цæлыччы-фырт у Уæрæсейы сгуыхт экономист æмæ 1-æм къæпхæны æцæг паддзахадон уынаффæгæнæг, хорзæхджынгонд æрцыд Хæлардзинады æмæ "Фыдыбæстæйы раз сгуыхтдзинæдты тыххæй" ордентæ, стæй къорд майданæй.