Nog adres

ОФИЦИАЛОН БАЛЦ МÆСКУЫМÆ

vizit_0.jpg
2012 азы 23 октябры Республикæ Хуссар Ирыстоны Президент Тыбылты Леонид официалон балцы ацыд Уæрæсейы Федерацийы столицæ Мæскуымæ. Аэропорт «Внуково»-йы хуссарирыстойнаг делегацийыл сæмбæлдысты Уæрæсейы Федерацийы Фæсарæйнаг хъуыддæгты министры хæдивæг Г. М. Гатилов, Уæрæсейы Федерацийы Хуссар Ирыстоны Уæлвæткон æмæ æххæстбарджын минæвар Медойты Димитр, министрады кусджытæ, Хæдбар Паддзахадты Æмхæларады Цыппæрæм департаменты директор А. В. Павловский, УФ Фæсарæйнаг хъуыддæгты министрады Паддзахадон суагъæйы департаменты директор Ю. А. Филатов, Республикæ Хуссар Ирыстоны Уæрæсейы Федерацийы Уæлвæткон æмæ æххæстбарджын минæвар Къарджиаты Эльбрус.
Хуссар Ирыстоны делегацийы сконды Мæскуымæ ацыдысты: Цоциты Барис - Президенты Администрацийы къухдариуæггæнæг, Мелкоев Гурам - Хицауады Сæрдары фыццаг хæдивæг, Санахъоты Дауыт - Фæсарæйнаг хъуыд-дæгты министр, Коцты Къоста - Президенты паддзахадон уынаффæгæнæг, Хуыгаты Зæлинæ - Экономикон рæзты министр, Валери Яхновец - Хъахъхъæнынады министр, Хæбæлаты Азæ - Финансты министр, Плиты Анатоли - РХИ-йы Æдасдзинады советы секретарь.
Аэропорты схæцыдæуыд Республикæ Хуссар Ирыстон æмæ Уæрæсейы Федерацийы паддзахадон тырысатыл, айзæлыдысты паддзахадон гимнтæ. Бæрзонд уазæгыл фембæлыны тыххæй тæхæн фæзы слæууыд Мæскуыйаг гарнизоны гарзджын тыхты æртæ хуызы кады хъарагъул. Церемонийы кæрон цытджын хъарагъул кады æгъдауæй рацыдысты Республикæ Хуссар Ирыстоны Президенты рæзты.

Мæскуымæ æртæбонон официалон балцы рæстæджы Республикæ Хуссар Ирыстоны делегаци Кремлы Æнæзонгæ салдаты ингæныл сæвæрдтой венок, уый фæстæ информацион агентад ИТАР-ТАСС-ы РХИ-йы Президент Тыбылты Леонидæн фембæлд уыд уæрæсейаг дзыллон информацион фæрæзты сæйраг редакторты Клубимæ.
Знон, 24 октябры, Ново-Огаревайы уыдысты официалон бадзырдтæ Республикæ Хуссар Ирыстоны Президент Тыбылты Леонид æмæ Уæрæсейы Федерацийы Президент Владимир Путинæн. Бадзырдты сæйраг темæ уыд Уæрæсе æмæ Хуссар Ирыстоны дыварсон ахастыты уавæр æмæ перспективæтæ, кæрæдзийæн цымыдисаг фарстаты уæрæх спектр.
УФ-йы РХИ-йы минæварады пресс-службæ