Nog adres

Тыбылты Леонид: Хуссар Ирыстон æмæ Абхазы æфсымæрон адæмтæ кæддæриддæр уыдысты фæрсæй-фæрстæм

Хуссар Ирыстоны Президент Тыбылты Леонид арфæйы тел арвыста Абхазы Республикæйы Президент Александр Анквабмæ Абхазы Республикæйы Хæдбардзинады Боны цытæн.
Арфæйы телы дзырдæуы:
«Айс иууыл зæрдиагдæр арфæтæ Абхазы Республикæйы Сæрибары Боны цытæн!
Ацы бæрæгбон иу кæны, йæ Фыдыбæстæйы номдзыд историйæн чи кад кæны æмæ йын йæ рухс фидæныл чи æууæнды, æппæт уыдоны. Бæрæгбон ссис æнæхъæн адæмы хъайтардзинад, хъæддыхдзинад, æхсар æмæ фидар удыхъæды фæлгондз, абхазаг паддзахады иудзинад, хæрзиуæджы æмæ дидинæфтыды символ.
Абхазы суверенон Республикæ рацыд паддзахадон арæзтады, экономикæйы æмæ социалон рæзты вазыгджын фæндæгтыл æмæ аккагæй цæуы йæ разы æвæрд нысæнттæм.
Дæу, Республикæ Абхазы Президенты, зонын ахæм адæймагæй, кæцы стыр тыхтæ хардз кæны Республикæ Абхазы паддзахаддзинад дарддæр дæр фидар кæныныл, тырны экономикон рæзты снысангонд темптæ бахъахъхъæнынмæ, æмбæстæгты социалон æгъдауæй бахъахъхъæнынмæ, йæ райгуырæн бæстæйы хæрзарæзтад адарддæр кæнынмæ.
Хуссар Ирыстон æмæ Абхазы æфсымæрон адæмтæ кæддæриддæр уыдысты кæрæдзийы фарсмæ, масты æмæ цины бонтæ иумæ дих кодтой. Уырны мæ, мах дарддæр дæр цæудзыстæм нæ республикæты рæзты фæндагыл.
Ацы рухс æмæ хъæлдзæг бон Республикæ Хуссар Ирыстоны адæмы æмæ мæхи номæй Республикæ Абхазы æппæт цæрджытæн мæ зæрдæ зæгъы фидар æнæниздзинад æмæ стыр амонд.
Уадз, алыхатт дæр уæ бæстæйы сæрмæ арв уæд сыгъдæг æмæ сабыр, адæмы зæрдæты уæд æнцойад сæ хæдзæртты та — амонд».