Nog adres

Æмгуыстадæн ис фæстиуæг

itogi_0.jpgФÆСТИУДЖЫТÆ АРÆЗТ ÆРЦЫД ДЫУУÆБОНОН КУЫСТÆН
Республикæ Хуссар Ирыстоны 2012-2013 азты социалон-экономикон рæзты Инвестицион программæйы æмархайд реализаци кæныны фæдыл республикæмæ цы æхсæнведомствæйон кусæгон къорд æрцыд, уыдонæн уыд иумæйаг рабадт Хуссар Ирыстоны хицауадимæ. Æмбырдæн сæрдариуæг кодтой Хуссар Ирыстоны Президент Тыбылты Леонид æмæ УФ-йы Æдасдзинады советы секретары хæдивæг Рашид Нургалиев.
Æмбырды райдианы Рашид Нургалиев ноджыдæр раарфæ кодта Хуссар Ирыстоны адæмæн Республикæйы бæрæгбоны цытæн, банысан кодта, бæрæгбонон мадзæлттæ æмæ хъазтизæртæ æвдисæн сты, Республикæйы кæй фидар кæны экономикон æмæ политикон стабилондзинад.
«Нæ делегацийы хæс у - хуссарирыстойнаг æнгæс министрадтимæ иумæ конкретон уынаффæтæ ссарын, кæцытæ ныртæккæ сты Республикæйы адæмæн æнæмæнгхъæуæг царды алы фадгуыты. Уый тыххæй æнæмæнгдæр хъæуы æнтыстджын æмгуыстад кæнын», - банысан кодта Нургалиев.
Æмбырды рæстæджы хуссарирыстойнаг министрадты къухдариуæггæнджытæ æмæ уæрæсейаг æнгæс ведомствоты минæвæрттæ радзырдтой, дыууæ боны дæргъы цы иумиаг æмбырдтæ ауагътой, уыдон фæдыл, куыд Цхинвалы, афтæ районты, цыран æрдзырдтой, конкретон хъуыдытæ æмæ плантыл РХИ-йы социалон-экономикон райрæзты фæдыл цы комплексон планыл цæуы куыст, уый бындурæн.

Иумæйагæй сисгæйæ, уæрæсейаг æмæ хуссарирыстойнаг къухдариуæггæнджытæ банысан кодтой æмхуызон хъуыдытæ сæйраг социалон-экономикон проблемæтæ скъуыддзаг кæныны фæдыл. Сæйраг проблемæтæй иу уыд, хуссарирыстойнаг закъондæдтынады ныхмæвæрддзинæдтæ. Уый банысан кодтой раныхасгæнджытæ. Уымæ гæсгæ профилон министрадты æмбырды æмæ ацы æмбырды уынаффæ ист æрцыд уæрæсейаг коллегæты æххуысæй æмбæлон юридикон æмæ методикон æххуысы руаджы бакусын æмæ парламентмæ сфидар кæнынмæ æмбæлон закъоны проекттæ бахæссын, кæцытæ Республикæйы закъондæттынады процесс æркæндзæн нырыккон цивилизацион æмæ демократон паддзахады иумиаг райсгæ нормæтæм.
Æмбырды фæстæ ма Тыбылты Леонид æмæ Рашид Нургалиев ауагътой иу æмбырд Республикæйы арæзтадон ведомствоты къухдариуæггæнджытæ æмæ подрядон организацитимæ, кæцытæ архайынц Цхинвал-Ленингоры фæндагарæзтадыл. Æмбырды æркастæуыд Хуссар Ирыстоны къухдариуæгады ми-нæвæрттæ æмæ уæрæсейаг æхсæнведомствæйон къорды Ленингоры районмæ балцы рæстæджы сæвзæргæ фарстытæм.