Nog adres

ХЪУЫДДАГОН НЫХАС РАЙОНЫ ЦÆРДЖЫТИМÆ

leningor_1.jpg
31 июлы Республикæ Хуссар Ирыстоны Парламенты Сæрдар Коцты Станислав Ленингоры районы цæрджытæн ауагъта цæугæ химæрайст.
Республикæйы районты цæрджыты цæугæ химæрайсттæ уагъд цæуынц уæлдай карздæр проблемæтæ сбæрæг кæныны тыххæй, кæцытимæ æмбæлынц районы цæрджытæ, хъæууон цæрджыты царды уавæртæ фæхуыздæр кæныны нысанæн. Уый размæ Коцты Станислав уыд Дзауы районы.

«Районты бирæ цæрджытæн сæ бон нæу Парламенты химæрайстмæ бахауын алыгъуызон объективон аххосæгтæм гæсгæ. Cæйраджыдæр, уыдон сты ацæргæ адæм, инвалидтæ. Уымæ гæсгæ мах аскъуыддзаг кодтам районты цæр-джытæн периодикон æгъдауæй цæугæ химæрайсттæ уадзын», - загъта Коцты Станислав.
Парламентаритимæ ныхас кæнгæйæ, Ленингоры районы цæрджытæ загътой къорд актуалон проблемæйы. Абон цæрджытæн, сæйраджыдæр, хъæуы баххуыс кæнын транспортæй сифтонг кæныны фарстаты куыд районæн йæхи мидæг, афтæ æндæр цæрæн пункттæм цæуыны тыххæй дæр, цæрæнуатон проблемæты. Карзæй лæууы нуазыны доны фарста Цъинагары хъæуы, уый æдтейæ ма районы цæрджытæ хъаст кæнынц хуссарирыстойнаг телеуынынады эфиртæм сын бакæсыны уавæр кæй нæй, уый тыххæй.
Проблемæты иу хай практикон æгъдауæй скъуыддзаг æрцы-дысты бынаты, иннæ фарстатæ, кæцытæ хизынц Парламенты компетенцийы фæлгæттæй, скъуыддзаг кæныны тыххæй лæвæрд æрцæудзысты паддзахадон управленийы æмбæлон органтæм. Афтæ ма цæрджыты химæрайсты хайад райста Ленингоры районы администрацийы сæргълæууæг дæр.
Ленингоры районы цæрджытæн иууыл стырдæр проблемæ у Гуырдзыстонимæ арæныл ахизын. Районы цæрджыты фылдæр хайæн сæ хæстæджытæ баззадысты гуырдзиаг территорийыл æмæ сын уавæр нæй кæрæдзийы фенынæн. Бынæттон цæрæг Кочишвили Далийы ныхæстæм гæсгæ, документ райсыны, кæцыйы хонæм формæ №9 ис стыр проблемæтæ.

«Æз радтон æппæт документтæ дæр, кæцытæ хъæуынц формæ №9 райсыны тыххæй, фæлæ ныр дыккаг мæй мæ бон дзуапп райсын нæу», - загъта Кочишвили Дали.
Парламенты Сæрдар Коцты Станислав бынаты хæслæвæрд бакодта бынæттон барадхъахъхъæнæг органтæн, цæмæй равзарой ацы фарста æмæ йын 10 боны æмгъуыдмæ фехъусын кæной йæ фæстиуджыты тыххæй.
Коцты Станиславы ныхæстæм гæсгæ, Ленингоры районы æндидзынгæнæн программæ хъуамæ хæсса æрмæст реинтеграцион нæ, фæлæ ма реабилитацион характер дæр.
«Мах дæдтам хæслæвæрдтæ раздæры хицауадæн, цæмæй бакуыстаиккой Ленингоры районы рæзты программæ, куыд уæлдай проблемондæр район афтæ, фæлæ ацы здæхты ницы арæзт æрцыд», - банысан кодта Коцты Станислав.
Республикæйы районты цæрджыты цæугæ химæрайсттæ дарддæр дæр уагъд цæудзысты æмæ иннæ къуыри та план цæуы депутатты балц Къуйсамæ.
РХИ-йы Парламенты
информацион-аналитикон центр