Nog adres

РЕСПУБЛИКÆ ХУССАР ИРЫСТОНЫ ЗАКЪОН

Тонус бæрзондгæнæн æнæалкоголон æмæ лæмæгъалкоголон нозт æрбаласын, аразын, парахат кæнын æмæ реализаци кæнын ма бауадзыны тыххæй
Республикæ Хуссар Ирыстоны ацы Закъонмæ гæсгæ уагъд нæ цæуынц, тонусгæнæн компоненттæ кæм ис, уыцы æнæалкоголон æмæ лæмæгъ-алкоголон нозт, цæрджыты æнæниздзинад æмæ хæрзиуæгон цард бахъахъхъæныны нысанæн.
Уац 1. Ацы Закъоны спайдагонд бындурон æмбарынад
Ацы Закъоны нысанæн пайдагонд цæуы ахæм бындурон æмбарынадæй:
Тонус бæрзондгæнæн æнæалкоголон æмæ лæмæгъалкоголон нозт - нозт, кæцыйы ис тонус бæрзондгæнæн компоненттæ, æнæалкоголон æмæ лæмæгъалкоголон нозт, сæйраг тонусгæнæг компонент кæцыйæн у синтет-икон кофеин, бар лæвæрд кæмæн ис, ахæм хосгæнæн кæрдæджытæй арæзт æрдзон биологион активон буарадтæ кæнæ сæ экстраттæ, кæцытæн ис тонусгæнæг архайд, афтæ ма витаминтæ дæр.
Уац 2. Ацы Закъоны архайды сферæ
Ацы Закъоны архайд парахат кæны оптон, розницæйон базар кæныны фадыджы æмæ тонусгæнæг æнæалкоголон æмæ лæмæгъалкоголон нозтыты архайдтытыл, кæцыты хайадисджытæ сты юридикон цæсгæмттæ, сæ организацион барадон формæмæ нæ кæсгæйæ, индивидуалон амалиуæг-гæнджытæ, афтæ физикон цæсгæмттæ дæр.
Ацы Закъоны архайд нæ парахат кæны цай æмæ кофейы экстратты бындурыл арæзт æнæалкоголон нозты, цай æмæ кофейы æрбаласт æмæ реализаци фæкъаддæр кæныныл.
Уац 3. Административон бæрндзинад тонусгæнæг компоненттæ кæм ис, ахæм тонусгæнæг æнæалкоголон æмæ лæмæгъалкоголон нозт æрбаласын æмæ аразыны тыххæй.
1. Республикæ Хуссар Ирыстоны территоримæ тонусгæнæг æнæалкоголон æмæ лæмæгъалкоголон нозты æрбаласт æмæ йæ аразыны тыххæй лæвæрд цæуы административон ивар:
- æмбæстæгтæ æртæ минæй фондз мины онг административон барадхалынады дзаумæттæ конфискаци кæнгæйæ;
- уыцы цæсгæмттыл, кæцытæ амалиуæгад кæнынц æнæ ахуыр юридикон цæсгомæй, дæс мин сомæй дыууын мин сомы онг административон барадхалынады дзаумæттæ конфискаци кæнгæйæ;
- юридикон цæсгæмттыл фæндзай мин сомæй сæдæ мин соммæ, административон барадхалынады дзаумæттæ конфискаци кæнгæйæ.
Уац 4. Тонусгæнæг æнæалкоголон æмæ лæмæгъалкоголон нозт парахат æмæ реализаци кæныны тыххæй административон бæрндзинад
1. Республикӕ Хуссар Ирыстоны территорийыл тобæгонд у, тонусгæнæн компоненттæ кæм ис, ахæм æнæалкоголон æмæ лæмæгъалкоголон нозт парахат æмæ реализаци кæнын.
2. Тонусгæнæн компоненттæ кæм ис, ахæм æнæалкоголон æмæ лæмæгъалкоголон нозт парахат æмæ реализаци кæныны тыххæй лæвæрд цæуы административон ивар:
- æмбæстæгтыл иу мин фондзсæдæ сомææй дыууæ мин соммæ онг административон барадхалынады дзаумæттæ конфискаци кæнгæйæ;
- уыцы цæсгæмттыл, кæцытæ амалиуæгад кæнынц æнæ ахуыр юридикон цæсгомæй, æртæ мин сомæй цыппар мин сомы онг, административон барадхалынады дзаумæттæ конфискаци кæнгæйæ;
- юридикон цæсгæмттыл æртын мин сомæй цыппор мин соммæ, административон барадхалынады дзаумæттæ конфискаци кæнгæйæ.
Уац 5. Ацы Закъон æххæст кæнынмæ цæстдард
1. Ацы Закъон æххæст кæнынмæ цæстдард æххæст кæны Республикæ Хуссар Ирыстоны Генералон прокурор æмæ йæ дæлбар прокурортæ.
Уац 6. Кæронбæттæн уагæвæрд
Тонусгæнæг æнæалкоголон æмæ лæмæгъалкоголон нозтыты номхыгъд, кæцытæн нæй гæнæн Республикæ Хуссар Ирыстоны территоримæ æрбаласын, уадзын æмæ парахат æмæ реализаци кæныны бар, фидар кæны Республикæ Хуссар Ирыстоны Хицауад.
Уац 7. Ацы Закъон йæтыхы бацæуын
1. Ацы Закъон йæ тыхы цæуы официалонæй йæ ныммыхуыр кæныны бонæй.
2. Бахатын хъæуы Республикæ Хуссар Ирыстоны Президентмæ æмæ Республикæ Хуссар Ирыстоны Хицауады бæрны бакæнын хъæуы сæ нормативон барадон акттæ ацы Закъонмæ гæсгæ æркæнын.
Республикæ Хуссар Ирыстоны
Президент ТЫБЫЛТЫ Леонид