Nog adres

Кусынц фæндаджы хæрзарæзтадыл

DSCF2367.JPG
Автомобилон фæндаг цæмæй æмбæлон æгъдауæй лæггад кæна куыд шофыртæ, афтæ фистæгæй цæуæг æмбæстæгтæн дæр, уый тыххæй йæм хъæуы аккаг хъусдард здахын. Уыцы хъуыддаг зæрдыл даргæйæ, нæ республикæйы разамынд цасдæрбæрцæй архайы сæ хæрзарæзтадыл. Ивгъуыд аз бавнæлдæуыд Цхинвалæй Знауырмæ автомобилон фæндаджы арæзтадмæ æмæ кусджытæн бантыст Къостайыхъæуы онг фæндаг асфальтæй бамбæрзын. Аразджытæ ноджыдæр ацы æнæмæнгхъæуæг хъуыддагыл бакуыстаиккой зæрдиагæй, фæлæ бæрæг аххосæгтæм гæсгæ иу рæстæджы куыстытæ æрлæууыдысты.
Аразджытæ ахсджиаг куыстмæ дарддæр бавнæлдтой амæйразмæ æмæ уал сын бантыст цалдæр километры сасфальт кæнын. Кæй зæгъын æй хъæуы, кæд фæндаджы арæзтадыл куыстæуы, уæддæр уый афтæ нæ нысан кæны, æмæ сын ницы проблемæтæ ис. Хъуыддаг уый мидæг ис, æмæ та рæхджы æрбалæу-дзысты фæззыгон бонтæ æмæ уæд мæгуырау боныгъæдты аххосæй куыстытæ къуылымпы кæндзысты.
Фæндаг цæмæй дæргъвæтин рæстæг фæлæууа, æнæкъуылымпыйæ æххæст кæна, чи йыл цæуы, уыдон домæнтæ, уымæн бирæ æвæрццаг гæнæнтæ ис. Сæ ахсджиагдæртæй иу у, цæмæй къæвдайы æмæ цæдты дон иу бынаты ма лæууа, фæлæ кæна йæ цыды хай. Уавæр хынцгæйæ, иу арæзтадон фир-мæ æрæджы æрæвнæлдта фæндаджы кæрæттæ фæхуыздæр кæнынмæ. Арæзтады æдæппæт кусы цыппар адæймаджы æмæ сæ хæс у, фæндаджы фæйнæ фарс донцæуæнтæ, стæй доны хæтæлтæ нывæрын. Ацы куыстытæм уал бавнæлдтой Къостайыхъæуы цур, æмæ куыстытæ бакодтой 400 метры. Прораб Цхуырбаты Лев куыд загъта, афтæмæй арæзтады дæрддзæг ахæццæ уыдзæн суанг Знауырмæ, æдæппæт дзы сараздзысты 9 километры. Ахæм куыстытæ бакæндзысты районы алы хъæуы дæр.

Куысты хъаруджынæй сæхи æвдисынц, æнæаипп архайд кæнынц сæ хъуыддаджы дæснытæ, æрцæуæггаг кусджытæ Шахбазов Жамизин, Мирзоев Ариф, Махмудов Умрудин æмæ Ахмедов Захар.
ХУЫБИАТЫ Н.